Gobierno Vasco

 

POSTA - Oianguren.eu


DOKUTEKA - Oianguren.eu


AGENDA - Oianguren.eu

2018-2019 DBH 1 - Piragua ikastaroa


DBH 1eko ikasleak piragua ikastaroan izan dira, eguraldi onaren laguntzaz
.

Ikusi hemen bideoa!

 

 

 

2018-2019 Komiki eta MikroIpuin Lehiaketa


Aurreko ostiralean, hilak 7, OIANGUREN BHIko ikasleak Jakintza ikastolakoekin batera sariak jasotzen izan ziren udaletxean.

 

Aurten ere aurrekoetan bezala, Ordiziako udalarekin elkarlanean DBH 1 eta DBH 2. mailako ikasleentzat Komiki lehiaketa antolatu dugu. Parte hartzea oso handia izan da eta ikasleek lan txukunak aurkeztu dituzte.

 

Sarituak honako hauek izan dira:

 

1.saria: Aner Imaz


2.saria: Ekhi Garmendia

 


DBH 3tik gorakoek berriz, Mikroipuin lehiaketan parte hartu dute. Lanak kalitate handikoak izan dira eta sormenerako gaitasuna erakutsi dute.


DBH mailako  saria Josune Diezek eskuratu du “Bizi” mikroipuinarekin eta BATXIkoa Leire Mendizabalek “Maitasuna”rekin.


Zorionak parte hartu duzuen guzti-guztioi!


MAITASUNA
Lehen begirada, lehen muxua, lehen iraina, lehen salaketa eta azken agurra.


BIZI
Ekimenaren itzalaren atzean. Bizitzan tartekatuz doazen hautsak. Kemenaren zalantzan. Bidea dudala begietan aurrera ala atzera egin zalantzan. Aurrera egin galduta, atzera egin sufrimendua. Marjinazioa. Beldurra. Atzera egin oraindik maite ditudan pertsonak besarkatu, maitatua sentitu, aurrera egin ilusio berriak. Esperantza.
Ez dago atzera bueltarik, bai aurrera begiratzeko indarra eta gogoa. Zure bila joan nahi nuke, sentitzen dudana esan, baina barkaidazu, zugan inoiz pentsatu ez dudalako. Barkaidazu; bizi besterik ez dut nahi. Besarkaidazu, azken aldia da eta. Banoa aurrera, bizi hobeago baten bila Europara, nahiz eta jakin Mediterraneo itsasoan hilko naizela.


 

 

 

 

On Zientzia Lehiketa - EMERGENTZIA


2019ko On Zientzia lehiaketan parte hartu dugu aurten, emergentzia propietateari buruzko gogoeta eginez.

 

Propietate honek dioena da, elementu sinpleak elkartzean ezaugarri konplexu eta berriak azaleratzen direla. Naturan ematen dena eta zientziak oraindik oraindik azaltzen ez dakien propietatea.



Gure bideoak Euskarazko Bideo onenaren saria irabazi du, eta gainera Oianguren institutuko eta familien laguntza jaso dugu.

 

Horregatik, eskerrik asko parte hartu eta bideoa ikusi duzuen guztioi!

 

BATX 1: Unai R - Ane A.

 

 

 

 

Murillo inspektorearen bisita OIANGURENen


Euskararen erabilera sustatzeko Ikas2deak  programaren barruan hainbat lanbiderekin lotutako hitzaldiak eskaintzen dira ikastetxeetan. Horietako bat aprobetxatuz, Itziar Ituño aktore euskalduna izan genuen ikastetxean aurreko ostegunean.


Itziar  - Nekane ertzaina Goenkale telesailean -  ezaguna egin da mundu mailan La casa de papel telesaileko Murillo inspektorearen paperean.

 


DBH3ko ikasleok oso gustura aritu ginen berarekin solasean, oso gertukoa eta umila iruditu zitzaigulako. Adierazi zigun bizitzan gure ametsak eta helburuak lortzeko lan egin behar dugula etsi gabe. Era berean, berari euskara ikasi izanak aukera gehiago eman dizkiola ere azaldu zigun.

 

Zoragarria izan zen, mila esker Itziar!


 

 

 

 

Sei urte berehala doaz ...


Zorionak BATXILERGOA gaindutu duzuen guztioi!

 

Zuekin pasatako momentuak eskertzen dizkizuegu.

 

Plazer bat izan da!

 

 


 

© oianguren
Telefonoa: 943899389 | 012282aa@hezkuntza.net